جام پور(بیورورپورٹ)فوجی عدالتوں بارے چئیرمین پیپلزپارٹی آصف علی زرداری نے وفاقی حکومت کو جو نو نکات پیش کئے ہیں انہیں ماننا ہی ہوگا دہشت گردی،شدت پسندوں،سرپرستوں،سہولت کاروں کو انجام تک پہنچانے کے لئے بھی آپریشن ردالفساد کے تحت نیشنل ایکشن پروگرام کے مطابق پارلیمنٹ میں موجود سیاسی جماعتوں نے متفقہ ڈیکلریشن منظور کیا تھا اسی پر عمل درآمد کیا جائے ان خیالات کا اظہار سابق ضلع صدر پی پی پی ملک احسان عمران ارائیں نے پیپلز سیکریٹریٹ میں میڈیا کے ننمائندوں سے بات چیت میں کہا کہ پاکستان پیپلز پارٹی و قیادت 1966ء سے لے کر اب تک دہشت گردی کی شدید مخالف ہے اور اسکی مذمت کرتی ہے یہی وجہ ہے کہ بھاری قیادت نے ملک کے وسیع تر مفاد کے لئے ہمیشہ دہشت گردی کے خلاف دلیرانہ فیصلے کئے جس کے باعث بھٹو کا عدالتی قتل و شہید جمہوریت محترمہ بینظیر بھٹو و میر مرتضیٰ بھٹو کو بھی ٹارگٹ کلنگ کرکے مارا گیا مگر پھر بھی ہم نے پاکستان زندہ باد کا نعرہ بلند کیا،جمہوریت و اداروں کی احترام پر پاکستان پیپلز پارٹی مکمل یقین رکھتی ہے اس وقت مشہور زمانہ پانامہ کرپشن سکینڈل کو مذاق بنا کر پوری دنیا میں جگ ہنسائی کی گئی ہے اور پانامہ سکینڈل وزیراعظم کو سیاسی جماعتوں اور قوم کو اعتماد میں لینا ہوگا،عدلت کو بھی چاہئے جلدازجلد میرٹ پر فیصلہ کرے تا کہ پوری قوم ہیجان کی کیفیت سے باہر نکل سکے اس موقع پر سبطین سرور ارائیں،مرزا محمد طارق،میاں نورالہیٰ،عبدالکریم دریشک،عزیراللہ انجم،شاہد منصور گشکوری،ظفر اقبال کھیڑا سمیت دیگر کارکنان بھی موجود تھے
۲
جام پور(بیورورپورٹ)جمیعت علمائے اسلام و دیوبند مکتب فکر سفیرامن قاری القران شیخ الحدیث ممتاز مذہبی و روحانی شخصیت علامہ مولانا قاری محمد حنیف جالندھری کی 9مارچ کو ضلع راجن پور آمد پر تاریخی،شاندار و فکیدالمثال استقبال کیا جائے گا بہت بڑی امن کانفرنس سے خطاب کریں گے اور ملک و ملت و اتحاد بین المسلمین کا بھی خصوصی درس دیں گے یہ بات جمیعت علماء اسلام تحصیل جام پور کے امیر عبدالمجید ساقی،سالار قاری صادق چانگ نے صحافیوں و جمیعت علماء اسلام کے کارکنان و عہدیداران سے بات چیت کرتے ہوئے کہا کہ علماء ممبر و مسجد کے تحفظ کے پاسبان ہیں امن کے داعی و علمدار ہیں تمام مکاتب فکر میں اس وقت اتحادواتفاق کی بے حد ضرورت ہے اس مقصد کے لئے عالم ابن عالم ممتاز مذہبی شخصیت علامہ قاری محمد حنیف جالندھری کا دورہ ضلع راجن پور انتہائی تاریخی اہمیت کا حامل ہے
۳
محمدپوردیوان(بیورورپورٹ)محمدپوردیوان اسی ہزار سے زائد نفوس پر مشتمل تاریخی تجارتی،تعلیمی و ثقافتی قصبہ1999ء سے لے کر اب تک مستقل صفائی کا کوئی بھی نظام نہ ہونے سے شہر گندگی و کوڑاکرکٹ کے فلتھ ڈپو میں تبدیل ہوکررہ گیا ہے،شہر کے عین وسط سے گزرنے والا تاریخی و قدیمی نالہ گندگی کا ڈھیر مارکیٹوں کے سامنے رکھ دیا گیا۔بعض نام نہاد تاجروں نے گندگی اٹھوانے کے نام پر مارکیٹ سے لاکھوں روپے وصول کرکے ذاتی جیب میں ڈال لئے،موسم تبدیل ہونے کے باعث مچھروں کی افزائش میں بھی بے تحاشہ،اضافہ تعفن و بدبودارماحول و نالیوں کے گندے پانی کے محلوں و مارکیٹوں میں پھیلنے سے نمازیوں کی مساجد میں بھی آمدورفت میں شدید مشکلات اور صاف ستھرے ماحول میں جینا و سانس لینا بھی محال بن کر رہ گیا،وبائی امراض ملیریا جلدی امراض کھانسی و بخار بھی عام یونین کونسلز کے پلس تا حال فنڈزمبہانہ ہونے سے یونین کونسل کو خاکروب بھرتی کا بھی اختیار نہیں،گندگی و کوڑاکرکٹ کے باعث حشرات الارض کی تعداد میں بھی بے پناہ اضافہ دن میں بھی بچھو،خطرناک سانپوں کا کا شہر میں بسیرا ہونے سے بچے جوان بزرگ و خواتین پریشانی و زہنی اذیت کا شکار شہریوں مکینوں عوامی سیاسی سماجی مذہبی تجارتی حلقوں محمد احمد خان،چودھری خورشید ارائیں،مدثر خورشید،ایم شہباز،شکیل قادر،سہیل شکیل،سعد عامر خان،عبدالجبار،محمد زین خان،عارف بلوچ و دیگر نے منتخب رکن قومی اسمبلی سردار محمدجعفر خان لغاری و ڈپٹی سپیکر پنجاب اسمبلی سردار شیر علی گورچانی سے تاریخی قصبہ محمد پوردیوان کو ٹاون کمیٹی کا درجہ دینے اور کمشنر ڈیرہ غازیخان،ڈپٹی کمشنر راجن پور،چیئرمین ضلع کونسل سے شہرمیں بلا تفریق گندگی و کوڑا کرکٹ کے ڈھیر اٹھوانے،ہنگامی بنیادوں پر صفائی ستھرائی کرانے و صحت،صفائی کا مستقل نظام بھی قائم کرنے کا مطالبہ کیا ہے تاکہ شہری صاف ستھرے ماحول میں سانس لے سکیں و بیماریوں سے محفوظ رہ سکیں
۴
جیکب آباد رپورٹ(بیورورپورٹ) سندھ بلوچستان بارڈر پہ عمرانی لاڑو پولیس پکٹ کے اسٹاف نے چیکنگ کے دوران ایک ملزم سینگھار عرف احسان ولد نواب خان سولنگی کو بغیر لائسنس 12 بور پسٹل اور 5 عدد کارتوس سمیت گرفتار کر لیا۔ مزکورہ ملزم تھانہ بابا کوٹ اور تھانہ ڈیرہ مراد جمالی بلوچستان میں قتل کے کیس میں پولیس کو مطلوب ہے۔
واضع رہے کہ ایس ایس پی جیکب آباد سرفراز نواز شیخ نے سندہ بلوچستان کے تمام داخلی و خارجی راستوں پہ ہر آنے جانے والی گاڑیوں، موٹر سائیکلز، اور اشخاص کی سخت چیکنگ کے احکامات کے ساتھ ساتھ جیکب آباد پولیس کو واضع پیغام دے دیا ہے کہ ہر قسم کی سمگلنگ کو روک دیا جاے۔
۵
جام پور فاضل پور(بیورورپورٹ)ضلع بھر شاہ والی سے لے کر کوٹ طاہر تک سرکاری ہسپتالوں،ڈسٹرکٹ ہیڈکوارٹر ہاسپٹل میں گذشتہ کچھ عرصہ سے کتے،سانپ کے کاٹنے کی ویکسین نایاب ہونے سے سفید پوش،غریب،مزدور طبقہ بے یارومددگار ہو کر رہ گیا ہے،قصبات،شہروں میں بھی غول در غول کتوں کی بھرمار ہے اور سانپوں نے بھی بسیرا کر کے مکینوں کو کاٹنا معمول بنایا ہوا ہے،اکثر اوقات جوان،بچے،خواتین بوڑھے کام کاج کے سلسلے میں شہر کا رخ کرتے ہیں تو باؤلے کتے ان پر حملہ آور ہو جاتے ہیں،ان حالات میں سانپ اور کتے کے کاٹنے کی ویکسین لازمی ہوتی ہے،سرکاری طور پر ویکسین نہ ملنے کی صورت میں میڈیکل سٹور پر مہنگے داموں خریدنی پڑتی ہے،مگر ہزاروں روپے کی ہر ہفتہ عیکسین غریب،سفید پوش،مزدور طبقہ کے لئے خریدنا جوئے شیر لانے کے مترادف ہو جاتا ہے اور یوں وہ اپنی قیمتی جانیں سسک سسک کر قربان کرنے پر مجبور ہوجاتے ہیں شہریوں مکینوں محمد صادق،فضل حسین،عبدالخالق،محمد عمران،محمد نواز،اللہ ڈتہ،احمد بخش،کوڑا خان،فیض محمد،محمد عارف،محمد صادق،محمد امین نے شدید احتجاج کرتے ہوئے یہ الزام عائد کیا ہے کہ تحصیل ہیڈکوارٹر،دیہاتی مراکز صحت پر کہیں بھی یہ ویکسین دستیاب نہیں ہے کیونکہ متعلقہ افرادو زمینداران فرضی ناموں پر باہر مارکیٹ میں فروخت کردیتے ہیں جب اس سلسلہ میں تحصیل ہیڈکوارٹر کے ایم ایس ڈاکٹر صابر علی رند سے رابطہ کیا گیا تو انہوں نے بتایا کہ ویکسین ختم ہوچکی ہیں مزید کوٹہ کی فراہمی کے لئے تحریری طور پر پنجاب حکومت کو ارسال کردی گئی ہے اور جلد آنے کی توقع ہے
۶
جام پورکوٹ چھٹہ(بیورورپورٹ)پنجاب کی صوبائی حکومت و کوالٹی کنٹرول اتھارٹی کے میعاری و بہترین اشیاء کی فراہمی کا وعدہ ونعرہ محض اعلانات تک محدود، کوٹ چھٹہ کی ایک بیکری و سویٹ شاپ کراچی فوڈ فیسٹول سے جام پور کے ایک شہری پرویز اقبال نے میڈیا کو بتایا کہ میں نے ڈی جی خان سے واپسی پر انڈس ہائی وے کوٹ چھٹہ کے نزدیک مزکورہ بیکری سے ایک سالگرہ کیک لیا تو شام کو میں نے اہل و عیال کو کھلایا جس کے کھانے سے میرے دو بچوں اسامہ چار سالہ و عائشہ بی بی چھ سالہ کی حالت غیر ہو گئی کیونکہ وہ کیک ایکسپائری و مضر صحت تھا جس کے کھاتے ہی ڈائریا ہوگیا،بچوں کو فوراًً نجی کلینک ذوالقرنین کے پاس لے کرگیا جنہوں نے بچوں کو ایڈمٹ کرنے کے بعد حالت سنبھلی دریں اثناء چئیرمین یونین کونسل کوٹلہ مغلاں میاں عرفان اکرم بودلہ نے بھی کراچی فوڈ فیسٹول سے ہی ڈبہ بند ڈرئی کیک خرید کیا وی آئی پی شخصیات کی پارٹی تھی جونہی ڈبہ بند ڈرائی کیک کو کھولا گیا تو کیک زنگ آلود اور رنگ بدل چکا تھا،جس کی تصاویر بھی سوشل میڈیا پر شئیر کی گئی اگر وہ کیک شرکاء کھا لیتے تو بڑا حادثہ رونما ہوسکتا تھا متاثرین و شہریوں پرویز اقبال،چئیرمین عرفان اکرم بودلہ،محمد علی،احمد علی،فدا حسین،دلبر حسین،زین علی پیر بخش و محمد صدیق نے غیر میعاری و مضر صحت فروٹ و ڈرائی کیک تیار کرنے والی مذکورہ بیکری کراچی فوڈ فیسٹول نزد کوٹ چھٹہ کو کمشنر ڈیرہ غازیخان سے سیل کرنے کا مطالبہ کیا ہے تاکہ مزید کسی بھی ممکنہ بڑے حادثہ سے بچا جا سکے
۷
جام پور(بیورورپوٹ)ڈسٹرکٹ پولیس آفیسر حافظ عرفان اللہ خان نے تھانہ صدر جام پور میں تعینات ہیڈکانسٹیبل محمد نازک حسین کوانچارج سیکیورٹی تھانہ محمدپوردیوان تعینات کیا ہے جبکہ تھانہ سٹی فاضل پور میں تعینات انچارج محمد حفیظ کھوکھر کو جنرل ڈیوٹی پر تھانہ محمدپوردیوان انسپکٹر ایس ایچ او حافظ غام فرید خان کی خصوصی ریکوزیشن پر دونوں اہلکاران کو لگایا گیا ہے جنہوں نے چارج بھی سنبھال لیا ہے عوامی سیاسی سماجی مذہبی و تجارتی حلقوں نے ان کی تعیناتی کا خیرمقدم کیا ہے
۸
دہشت گردی کے خاتمے کے لیے سندھ بلوچستان کی پولیس سرحدی علاقوں میں مشترکہ اور انفرادی طورپر کاروائی کریں گی اس حوالے سے وزیر اعلیٰ،آئی جیزسطح تک مشاورت اور فیصلے کیے گئے ہیں:ڈی آئی جی نصیرآباد شرجیل کھرل
جیکب آباد(بیورورپورٹ) ڈی آئی جی نصیرآباد شرجیل کھرل نے کہاہے کہ دہشت گردی کے خاتمے کے لیے سندھ بلوچستان کی پولیس سرحدی علاقوں میں مشترکہ اور انفرادی طورپر کاروائی کریں گی اس حوالے سے وزیر اعلیٰ،آئی جیزسطح تک مشاورت اور فیصلے کیے گئے ہیں،ان خیالات کااظہار انہوں نے ایس ایس پی آفس میں میڈیا سے گفتگوکرتے ہوئے کیا،ڈی آئی جی شرجیل کھرل نے کہاکہ جرائم اوردہشت گردی کی روک تھام کے لیے سندھ بلوچستان کی پولیس ایک دوسرے سے بھرپور تعاون کریں گی،ایک ہفتہ قبل گڑھی خیرو کے علاقے میں مشترکہ آپریشن کیاگیا،سندھ بلوچستان کے اشتہاری اورمفروروں کی فہرست بھی تیارکی گئی ہے معلومات کے تبادلے سے جرائم کو کم کرنے میں مدد ملے گی،ہمیں ایک دوسرے کو سپورٹ کرنا ہے تاکہ وارداتوں کو روکاجاسکے،ہرقسم کے تعاون کا فیصلہ کیاگیاہے،ایپکیس کمیٹی کے فیصلوں پر عمل کیاجائے گا،سیہون سانحہ کے بعد اس بات کو سنجیدگی سے لیاگیاہے اورجیکب آباد اس حوالے سے انتہائی اہمیت کا حامل ہے کیونکہ یہ سندھ کا سرحدی علاقہ ہے اور موجودہ صورتحال کے تحت انتہائی حساس بھی سرحدی چوکیوں پر چیکنگ کے نطام کو مزید بہتر کیاجائے گا،اس سے پہلے آنے جانے والوں کی معمولی تلاشی کی جاتی تھی،ایک سوال کے جواب میں انہوں نے کہاکہ دوشہید اہلکاروں کے قتل کی ذمیداری ایل جی العالمی نے قبول کی ہے جبکہ انسپکٹر کی شہادت کاسبب بلوچستان کی حدودمیں ہونے والے سانحات میں ملوث ملزمان تک پہنچنے اور ان کی گرفتاری کی وجہ سے ہوئی جس پر بھی کافی پیش رفت ہوئی ہے،ایس ایس پی جہانزیب کاکڑ کا دوبار پوسٹ مارٹم ہوا پہلے میں خودکشی اور دوسرے پوسٹ مارٹم میں جو ورثاء کے اصرار پر جو کوئٹہ میں کیاگیا قتل کا بتایاگیا جس پر مقدمہ درج کرکے شک کے دائرے میں ایک افسر اوراس کے ملازم کو بھی گرفتارکیاہے،امن کا قیام ترجیح ہے سرحدی علاقوں پر صورتحال بہتر کرنے کے لیے ہرممکن اقدامات کیے جائیں گے۔